Naa prana datha @ నా ప్రాణ దాత @ అయ్యప్ప భజన పాటల లిరిక్స్

🙏 నా ప్రాణ దాత నీవే 🙏

నా ప్రాణ దాత నీవే నా పంచ ప్రాణం నీవే
నా లోన కదలాడే నా జీవ నాదం నీవే
ఏ ఆశ నాకు లేదు దేవరా....
నా శ్వాస శరణుఘోష చేసేదా.... (2)

॥ చరణం – 1 ॥

నా మనసు ప్రతిదినము నీ స్మరణ మరువదయా
నా తలపు ప్రతి క్షణము నీ ధ్యాస విడవదయా (2)
నా ఉనికి నాకు లేనే లేదురా....
నాలోన నీవే నిలిచినావురా.... (2)

॥ చరణం – 2 ॥

నా కంటిపాపలోనా నీరూపు నిలిచి ఉంది
నా నోటి ప్రతి మాట నీ పేరే పలుకుతుంది
నా తనువులోని అణువణువునా.....
అయ్యప్ప నీవే నిండినావయా.... (2)

॥ చరణం – 3 ॥

ఏనాడో చేసిన పుణ్యం ఈనాడే ఎదురయ్యిందా
ఆ బ్రహ్మ రాసిన రాత ఈ జన్మ నుదుటి గీతా.... (2)

॥ చరణం – 4 ॥

మీ సేవ భాగ్యమ్ము దొరికేరా....
ఈ జన్మకింకేమీ కావాలిరా.....
వరాల పసిడిమూట వాచించ లేను స్వామి
ఘనమైన ధనరాసి నే కోరలేదు స్వామి.... (2)

॥ చరణం – 5 ॥

నీ గాన సేవే నాకు సర్వమూ....
ఆ సేవలోనే ఉంది స్వర్గమూ..... (2)

నా ప్రాణ దాత నీవే నా పంచ ప్రాణం నీవే
నా లోన కదలాడే నా జీవ నాదం నీవే
ఏ ఆశ నాకు లేదు దేవరా....
నా శ్వాస శరణుఘోష చేసేదా.... (2)

🙏 స్వామియే శరణం అయ్యప్ప 🙏
🙏 శరణం శరణం అయ్యప్ప స్వామి 🙏