ॐ
ఓం శ్రీ స్వామియే శరణమయ్యప్పా
8. అయిదుకొండల్లో ....
పల్లవి
అయిదుకొండల్లో కొలువున్నవాడు
స్వామి అయ్యప్ప ...
భక్తుల గుండెల్లో దాగున్నవాడు
శరణమయ్యప్ప ...
స్వామి అయ్యప్ప ... శరణమయ్యప్ప
చరణం ౧
నియమాల మాలలు వేయిస్తాడు
నిష్ఠతో దీక్షలు చేయిస్తాడు
ఎదఎదలో భక్తిపూలు పూయిస్తాడు
ప్రతి మదిని మందిరంగా మార్చేస్తాడు
స్వామి అయ్యప్ప ... శరణమయ్యప్ప
చరణం ౨
నమ్ముకున్నోళ్లను వెంటుండి నడిపిస్తాడు
తానున్నానని భరోసా అందిస్తాడు
కరిమలవాసుడు కృపను కురిపిస్తాడు
మామలైవాసుడు మనలను మురిపిస్తాడు
స్వామి అయ్యప్ప ... శరణమయ్యప్ప
చరణం ౩
ఇడుములు తీర్చేందుకు
ఇరుముడులు కట్టిస్తాడు
శరణుఘోషలతో శిరసుపై పెట్టిస్తాడు
పడు లెక్కించి సన్నిధికి రప్పిస్తాడు
దివ్యదర్శన భాగ్యాన్ని దక్కిస్తాడు
స్వామి అయ్యప్ప ... శరణమయ్యప్ప