@ ఎ మిజేతు నీదుపూజ @ ఎట్లజేతునీదుసేవ@

🙏 ఎమిజేతు నీదుపూజ ఎట్లజేతునీదుసేవ 🙏

మాలవేసుకుందమంటే పూజవిధము తెలియదాయె
నీ పూజవిధము వింటుంటే స్వామి ఓ అయ్యప్ప
నిదురరంతా కరువాయె స్వామి ఓ అయ్యప్ప

చరణం 1

మాలైతే వేసుకుంటి దీక్షనేమో పూనుకుంటి (2)

నల్లాటి బట్టలేసి నుదుట గంధం బొట్టుపెట్టి (2)

శరణమంటే సిగ్గాయె స్వామి ఓ అయ్యప్ప

శరణుఘోష రాకపాయె స్వామి ఓ అయ్యప్ప

✦ ✦ ✦ 🌺 ✦ ✦ ✦

చరణం 2

ఇరుముడి ఎత్తుకోని ఎరుమేలి దరికిజేరి (2)

పెదపాదం పోదమంటే ఆలుపిల్ల యాదికొచ్చె

కరిమాల గుట్టంటే స్వామి ఓ అయ్యప్ప

కాళ్లుచేతులనవట్టె స్వామి ఓ అయ్యప్ప

✦ ✦ ✦ 🌺 ✦ ✦ ✦

చరణం 3

కిందమీద పడుకుంటూ కరిమాల గుట్టనెక్కి (2)

పాపాలు పోతాయని పంబనది చేరుకుంటి (2)

పాపాలు పారిపాయె స్వామి ఓ అయ్యప్ప

ప్రాణం అలసటదీరె స్వామి ఓ అయ్యప్ప

✦ ✦ ✦ 🌺 ✦ ✦ ✦

చరణం 4

కన్నెమూల గణపతిని కనులారా సేవించి (2)

కష్టాసుఖములనక కాంతమలై గిరిజేరితి (2)

పద్దెందిమెట్లనెక్కి స్వామి ఓ అయ్యప్ప

పావనుడనైపోతిని స్వామి ఓ అయ్యప్ప

॥ దివ్య దర్శనం ॥

కోటిసూర్యకాంతిగల స్వామి ఓ అయ్యప్ప
దివ్యమైన రూపుజూస్తి స్వామి ఓ అయ్యప్ప

🕉️ స్వామియే శరణం అయ్యప్ప 🕉️