శ్రీ శాస్తా పంచరత్నమ్
1. లోకవీరం మహాపూజ్యం సర్వరక్షాకరం విభుమ్ ।
పార్వతీ హృదయానందం శాస్తారం ప్రణమామ్యహమ్ ॥ ౧ ॥
2. విప్రపూజ్యం విశ్వవంద్యం విష్ణుశంభోః ప్రియం సుతమ్ ।
క్షిప్రప్రసాదనిరతం శాస్తారం ప్రణమామ్యహమ్ ॥ ౨ ॥
3. మత్తమాతంగగమనం కారుణ్యామృతపూరితమ్ ।
సర్వవిఘ్నహరం దేవం శాస్తారం ప్రణమామ్యహమ్ ॥ ౩ ॥
4. అస్మత్కులేశ్వరం దేవమస్మచ్ఛత్రువినాశనమ్ ।
అస్మదిష్టప్రదాతారం శాస్తారం ప్రణమామ్యహమ్ ॥ ౪ ॥
5. పాండ్యేశవంశతిలకం కేరళే కేళివిగ్రహమ్ ।
ఆర్తత్రాణపరం దేవం శాస్తారం ప్రణమామ్యహమ్ ॥ ౫ ॥
ఫలశృతి
పంచరత్నాఖ్యమేతద్యో నిత్యం శుద్ధః పఠేన్నరః ।
తస్య ప్రసన్నో భగవాన్ శాస్తా వసతి మానసే ॥ ౬ ॥
శాస్తా నమస్కార శ్లోకాలు
1. త్రయంబకపురాధీశం గణాధిపసమన్వితమ్ ।
గజారూఢమహం వందే శాస్తారం ప్రణమామ్యహమ్ ॥ ౧ ॥
2. శివవీర్యసముద్భూతం శ్రీనివాసతనూద్భవమ్ ।
శిఖివాహానుజం వందే శాస్తారం ప్రణమామ్యహమ్ ॥ ౨ ॥
3. యస్య ధన్వంతరిర్మాతా పితా దేవో మహేశ్వరః ।
తం శాస్తారమహం వందే మహారోగనివారణమ్ ॥ ౩ ॥
4. భూతనాథ సదానంద సర్వభూతదయాపర ।
రక్ష రక్ష మహాబాహో శాస్తే తుభ్యం నమో నమః ॥ ౪ ॥
స్వామియే శరణం అయ్యప్ప