🕉 శ్రీ శబరిగిరిపత్యష్టకమ్ 🕉
శబరిగిరిపతే భూతనాథ తే
జయతు మంగళం మంజులం మహః ।
మమ హృదిస్థితం ధ్వాంతరం తవ
నాశయాదిదం స్కందసోదర ॥ ౧ ॥
కాంతగిరిపతే కామితార్థదం
కాంతిమత్తవ కాంక్షితం మయా ।
దర్శయాద్భుతం శాంతిమన్మహః
పూరయార్థితం శబరివిగ్రహ ॥ ౨ ॥
పంపయాంచితే పరమమంగళే
దుష్టదుర్గమే గహనకాననే ।
గిరిశిరోవరే తపసిలాలసం
ధ్యాయతాం మనో హృష్యతి స్వయమ్ ॥ ౩ ॥
త్వద్దిదృక్షయ సంచితవ్రతాః
తులసిమాలికాః కమ్రకంధరాః ।
శరణభాషిణః సంఘసోజనాః
కీర్తయంతి తే దివ్యవైభవమ్ ॥ ౪ ॥
దుష్టశిక్షణే శిష్టరక్షణే
భక్తకంకణే దిశతి తే గణే ।
ధర్మశాస్త్రే త్వయి చ జాగ్రతి
సంస్మృతే భయం నైవ జాయతే ॥ ౫ ॥
పూర్ణపుష్కలా సేవితాఽప్యహో
యోగిమానసాంభోజ భాస్కరః ।
హరిగజాదిభిః పరివృతో భవాన్
నిర్భయః స్వయం భక్తభీహరః ॥ ౬ ॥
వాచి వర్తతాం దివ్యనామ తే
మనసి సంతతం తావకం మహః ।
శ్రవణయోర్భవద్గుణగణావళిః
నయనయోర్భవన్మూర్తిరద్భుతా ॥ ౭ ॥
కరయుగం మమ త్వద్పదార్చనే
పదయుగం సదా త్వత్ప్రదక్షిణే ।
జీవితం భవన్మూర్తిపూజనే
ప్రణతమస్తు తే పూర్ణకరుణయా ॥ ౮ ॥