ఈ పాదమే కదా ఇలయెల్ల కొలిచినది
ఈ పాదమే కదా ఇందిరా హస్తముల కితవైనది
॥ఈ పాదమే॥
ఈ పాదమే కదా ఇందరును మొక్కెడిది
యీ పాదమే కదా ఇగ గనగంగ పుట్టినది
యీ పాదమే కదా యెలమి పెంపొందినది
యీ పాదమే కదా ఇన్నిటికినీ ఎక్కుడైనది
॥ఈ పాదమే॥
ఈ పాదమే కదా ఇభరాజు దలచినది
యీ పాదమే కదా ఇంద్రాదులెల్ల వెదకినది
యీ పాదమే కదా యీ బ్రహ్మ కడిగినది
యీ పాదమే కదా ఎగసి బ్రహ్మండ మంటినది
॥ఈ పాదమే॥
ఈ పాదమే కదా ఇహపరము లొసగెడిది
యీ పాదమే కదా ఇల నహల్యకు కోరికైనది
యీ పాదమే కదా యీక్షింప దుర్లభము
యీ పాదమే కదా ఈ వేంకటాద్రిపై నిరవైనది
॥ఈ పాదమే॥
*ఓం నమో వెంకటేశ్వర నమో నమః*