కొండగట్టులోన ముత్యాలు రాలంగ||
ముద్దుల అంజన్న కొలువుదీరిండమ్మ
పువ్వులారా అంజన్న పూజాకొస్తారా
పునాయముంటది మీకు ప్రతిరోజూ పుస్తరా||
ఆకొండకొనల్ల అందాల అడవుల్ల
ఎత్తైన కొండల్లా వెన్నెల వెలుగుళ్ళ ||-కో
గలగల పాటేటి జలక్బుగ్గ ఏరుల్లా
కోయిలపాటళ్ల కోతుల ఆటళ్ల||-కో
అందమైన పూజలందుకుంటుండట||-కో
కొలిచిన కొండంత వరములిపిండట
|| పువ్వులారా||
పచ్చని చెట్లన్నీ పూలచిత్రిలై
ఆకాశమేవంగి హారతులివ్వంగా||-కో
బలుగురుద్దమ్మాయి భక్తితో కొలవంగా
కొండగట్టుమీద నిండుగా కొలువుండే||-కో
పదకొండో రుద్రుడు పవనసుతుడట||-కో
పరమేషునోలే వెలుగుతున్నాడట
||పువ్వులారా||
వజ్రశరీరుడు వానరరూపుడు
శ్రీరామ భక్తుడు శ్రీఆంజనేయుడు||-కో
పైనిండా రోమాలు శ్రీరామనామాలు
చేతుల్లో చీడతాలు శ్రీరామ గానాలు||-కో
భక్తులనుగాచే శ్రీరామ భక్తుడు||-కో
కొండగట్టుమీద కొలువుదిరిండు
||పువ్వులారా||
సూర్యునికన్న తేజవంతుడట
సుడిగాలికన్న వేగవంతుడట||-కో
గదసేత వట్టిండు కొండలెత్తిండు
గంతులేసిండు భూమండలం వణుకు||-కో
తోక విసిరిండంటే లోకలే వణుకును||-కో
చిడతలు కొట్టిండో శ్రీరాముడే దిగును.
||పువ్వులారా||