@ Nee kaaliki muvvai pudata @ నీ కాలికి మువ్వై పుడతా మరుజన్మే @ అయ్యప్ప భజన పాటల లిరిక్స్

🙏 పల్లవి

నీ కాలికి మువ్వై పుడతా మరుజన్మే నాకుంటే
నీ బుడిబుడి అడుగుల సవ్వడి నవ్వుతా స్వామి వరమిస్తే //2//

చరణం 1

మనిషిగా పుట్టుట మంచిదని అంటారు జగమున అందరూ
ఆ జగన్నాధుని ఆటని తెలియక మురిసెను మూర్ఖులు
అమ్మ నాన్న ఆలీ బిడ్డ అంతా మాయెరా
బ్రహ్మ విష్ణు మహేశ్వరులాడే చదరంగపు ఆటేరా

"నీ కాలికి"

చరణం 2

ఒకే రోజులో వాడే పూలకు ఎన్నో వర్ణాలు
అంతా ఒకటిగా పుట్టిన మాలో కుల మత భేదాలు
ప్రతి పువ్వు నీకై పూజకు చేరును ఎంతటి పుణ్యమురా
హరిహర తనయ మా కాపుణ్యం ఏ జన్మలో కలుగును రా

"నీ కాలికి"

చరణం 3

నాటి రాక్షసులు నేడు కూడా భూమిపై పుట్టారు
పుడమి తల్లిని ముక్కలు చేసి అమ్ముకు తిన్నారు
పుడమిని నమ్మిన రైతు బిడ్డలకు పుస్తెలు లేవు
ఇక్కడ పురుగుల మందే ఆకలి తీర్చేను మా రైతన్నలకి

"నీ కాలికి"

చరణం 4

కపటముతోనే కాసులు పండు కలియుగమందున
కపటము తెలియని కష్టజీవులకు కడుపే యుండున
పసి పిల్లలు తాగే పాలు కూడా మరి కలుషితమి
ఏమని చెప్పను ఎంతని చెప్పను తండ్రి నీకు తెలియనిదా

"నీ కాలికి"

🙏 స్వామియే శరణం అయ్యప్ప 🙏