ఇదే ఇదే శబరిమలక్షేత్రము - అయ్యప్ప భజన పాటల లిరిక్స్

🕉️ ఓం శ్రీ స్వామియే శరణమయ్యప్పా 🕉️

15. ఇదే ఇదే ...

॥ పల్లవి ॥

ఇదే ఇదే శబరిమలక్షేత్రము
కలియుగవిభుని కర్మక్షేత్రము
శ్రీధర్మశాస్తుని ధర్మక్షేత్రము
పంచగిరులపై వెలసిన పుణ్యక్షేత్రము
అభీష్టములు నెరవేర్చే అయ్యప్పక్షేత్రము

॥ చరణం ౧ ॥

మహిమల మాలను ధరియించండి
మహితాత్ముని దీక్షను పాలించండి
శరణాగతుని శరణాలు ఘోషించండి
చిద్విలాసుని చరణాలు ఆశించండి

॥ చరణం ౨ ॥

నలభై ఎనిమిది దినములు
నియమంగా మెలగండి
నీలివస్త్రధారుని నిష్ఠగా కొలవండి
అరియంగావు అయ్యను
ఆర్తితో పిలవండి
తారకప్రభువును తనివితీర తలవండి

॥ చరణం ౩ ॥

భక్తవిధేయుని భక్తితో భజించండి
కాంతిమలవాసుని కీర్తిని కీర్తించండి
ఇరుముడిప్రియుని ఇరుముడులు కట్టండి
వనయాత్రనుచేసి స్వామి సన్నిధికి చేరండి

॥ చరణం ౪ ॥

అభిషేకప్రియుని అభిషేకించండి
దివ్యమైన అనుభూతితో
కనులారా కాంచండి
మణికంఠునికి ముడుపులు అర్పించండి
అయ్యప్పస్వామి అండను అర్ధించండి

🕉️ స్వామియే శరణం అయ్యప్ప 🕉️