Shri Kashivishvanatha Stotram
శివాయ నమః
శ్రీ కాశీ విశ్వనాథ స్తోత్రమ్
కణ్ఠే యస్య లసత్కరాళగరళం గఙ్గాజలం మస్తకే
వామాఙ్గే గిరిరాజరాజతనయా జాయా భవానీ సతీ
నన్దిస్కన్దగణాధిరాజసహితా శ్రీవిశ్వనాథప్రభుః
కాశీమన్దిరసంస్థితోఽఖిలగురుర్దేయాత్సదా మఙ్గళమ్ ॥1॥
యో దేవైరసురైర్మునీన్ద్రతనయైర్గన్ధర్వయక్షోరగైః
నాగర్భూతలవాసిభిర్ద్విజవరైః సంసేవితః సిద్ధయే
యా గఙ్గోత్తరవాహినీ పరిసరే తీర్థైరసంఖ్యైర్వృతా
సా కాశీ త్రిపురారిరాజనగరీ దేయాత్సదా మఙ్గళమ్ ॥2॥
తీర్థానాం ప్రవరా మనోరథకరీ సంసారపారాపరానందా
నన్దిగణేశ్వరైరుపహితా దేవైరశేషైః స్తుతా
యా శంభోర్మణికుణ్డలైకకణికా విష్ణోస్తపోదీర్ఘికా
సేయం శ్రీమణికర్ణికా భగవతీ దేయాత్సదా మఙ్గళమ్ ॥3॥
ఏషా ధర్మపతాకినీ తటరుహాసేవావసన్నాకినీ
పశ్యన్పాతకినీ భగీరథతపఃసాఫల్యదేవాకినీ
ప్రేమారూఢపతాకినీ గిరిసుతా సా కేకరాస్వాకినీ
కాశ్యాముత్తరవాహినీ సురనదీ దేయాత్సదా మఙ్గళమ్ ॥4॥
విఘ్నావాసనివాసకారణమహాగండస్థలాలంబితః
సిందూరారుణపుంజచంద్రకిరణప్రచ్ఛాదినాగాచ్ఛవిః
శ్రీవిశ్వేశ్వరవల్లభో గిరిజయా సానందకానందితః
స్మేరాస్యస్తవ ఢుండిరాజముదితో దేయాత్సదా మఙ్గళమ్ ॥5॥
కేదారః కలశేశ్వరః పశుపతిర్ధర్మేశ్వరో మధ్యమః
జ్యేష్ఠేశో పశుపశ్చ కందుకశివో విఘ్నేశ్వరో జంబుకః
చంద్రేశో హ్యమృతేశ్వరో భృగుశివః శ్రీవృద్ధకాలేశ్వరః
మధ్యేశో మణికర్ణికేశ్వరశివో దేయాత్సదా మఙ్గళమ్ ॥6॥
గోకర్ణస్త్వథ భారభూతనుదనుః శ్రీచిత్రగుప్తేశ్వరః
యక్షేశస్తిలపర్ణసంగమశివో శైలేశ్వరః కశ్యపః
నాగేశోఽగ్నిశివో నిధీశ్వరశివోఽగస్తీశ్వరస్తారకః
జ్ఞానేశోఽపి పితామహేశ్వరశివో దేయాత్సదా మఙ్గళమ్ ॥7॥
బ్రహ్మాండం సకలం మనోషితరసై రత్నైః పయోభిర్హరం
ఖేలైః పూరయతే కుటుంబనిలయాన్ శంభోర్విలాసప్రదా
నానాదివ్యలతావిభూషితవపుః కాశీపురాధీశ్వరీ
శ్రీవిశ్వేశ్వరసుందరీ భగవతీ దేయాత్సదా మఙ్గళమ్ ॥8॥
యా దేవీ మహిషాసురప్రమథనీ యా చండముండాపహా
యా శుంభాసురరక్తబీజదమనీ శక్రాదిభిః సంస్తుతా
యా శూలాసిధనుఃశరాభయకరా దుర్గాదిసందక్షిణా
మాశ్రిత్యాశ్రితవిఘ్నశంసమయతు దేయాత్సదా మఙ్గళమ్ ॥9॥
ఆద్యా శ్రీర్వికటా తతస్తు విరజా శ్రీమంగళా పార్వతీ
విఖ్యాతా కమలా విశాలనయనా జ్యేష్ఠా విశిష్టాననా
కామాక్షీ చ హరిప్రియా భగవతీ శ్రీఘంటఘంటాదికా
మౌర్యా షష్టిసహస్రమాతృసహితా దేయాత్సదా మఙ్గళమ్ ॥10॥
ఇతి శ్రీమచ్ఛంకరాచార్యవిరచితం కాశీవిశ్వనాథ స్తోత్రం సంపూర్ణమ్